“O‘zavtosanoat”: avtomobilga sun’iy navbatlarni keltirib chiqarish kuzatildi

“O‘zavtosanoat” AJning “Daryo”ga ma’lum qilishicha, 24–28-avgustda GM Uzbekistan tomonidan 12 437 ta shartnoma rasmiylashtirildi. Bundan tashqari, xaridorlar tomonidan 1333 tasi rad etildi (shundan 385 tasi Damas, 430 tasi Nexia va 100 tasi Malibu).

Shu bilan birga, ko‘ngilsiz holatlar, ya’ni avtomobilga sun’iy navbatlarni va ular bo‘yicha taqchillikni vujudga keltirish holatlari ham kuzatildi. Bu omillar bo‘yicha kelgusida tekshiruv o‘tkazilmoqda.

Xaridorlar manfaatini ko‘zlab navbatda turish shaffofligini ta’minlash uchun kompaniya tomonidan avtomobillarga elektron ariza berish va shartnomani rasmiylashtirish tizimi qayta ko‘rib chiqilmoqda. Yaqin kunlarda shu masalaga taalluqli ma’lumotlar taqdim etiladi.

Dilerlik markazlarida noqonuniy ishlar sodir etilsa, xaridorlardan qo‘shimcha haq so‘rab zo‘ravonlik qilinsa, (+99871) 141 77 77 telefon raqami orqali Call-sentrga murojaat qilish mumkin.