«Ўзавтосаноат» АЖнинг «Дарё»га маълум қилишича, 24–28 августда GM Uzbekistan томонидан 12 437 та шартнома расмийлаштирилди. Бундан ташқари, харидорлар томонидан 1333 таси рад этилди (шундан 385 таси Damas, 430 таси Nexia ва 100 таси Malibu).
Шу билан бирга, кўнгилсиз ҳолатлар, яъни автомобилга сунъий навбатларни ва улар бўйича тақчилликни вужудга келтириш ҳолатлари ҳам кузатилди. Бу омиллар бўйича келгусида текширув ўтказилмоқда.
Харидорлар манфаатини кўзлаб навбатда туриш шаффофлигини таъминлаш учун компания томонидан автомобилларга электрон ариза бериш ва шартномани расмийлаштириш тизими қайта кўриб чиқилмоқда. Яқин кунларда шу масалага тааллуқли маълумотлар тақдим этилади.
Дилерлик марказларида ноқонуний ишлар содир этилса, харидорлардан қўшимча ҳақ сўраб зўравонлик қилинса, (+99871) 141 77 77 телефон рақами орқали Call-центрга мурожаат қилиш мумкин.
Изоҳ (0)