Superligada kuchli oltilik ham, kuchsiz “oltilik” ham aniq: “Qo‘qon-1912” ligada jon saqlash uchun, “Metallurg” esa chempionlik uchun kurashadi

Biroz avval xabar berilganidek, futbol bo‘yicha O‘zbekiston Pepsi Superligasi birinchi bosqichining so‘nggi, 22-tur bahslariga start berildi. Kun taqvimidan o‘rin olgan 4 uchrashuv ham yakuniga yetdi.

Toshkentda “Bunyodkor” “So‘g‘diyona” bilan kurash olib borib, irodali durangga erishdi. “Qaldirg‘ochlar” 0:2 hisobida ortda borib, yakunda 2:2 hisobini qayd etdi.

Farg‘onada muxlislar “Vodiy derbisi”ning guvohi bo‘ldi. “Neftchi” “Qo‘qon-1912”ni o‘z maydonida qabul qilib, 70-daqiqada Doston Toshmatovning goli sabab g‘alabaga erishdi.

Yana bir uchrashuvda Olmaliqning AGMK jamoasi o‘z uyida Bekobodning “Metallurg” jamoasini qabul qilib, 2:3 hisobida mag‘lubiyatga uchradi.

Turning markaziy o‘yinlaridan biri “Buxoro” hamda “Lokomotiv” jamoalari o‘rtasida kechdi. Unda “temiryo‘lchilar” 66-daqiqada Sanjar Shoahmedovning goli sabab 3 ochkoli bo‘lishdi.

PFL reglamentiga ko‘ra, Superliga chempionligi uchun kurashadigan kuchli oltilikka kirgan jamoalar nomi ma’lum bo‘ldi. Shu tariqa ikkinchi bosqichda “Navbahor”, “Lokomotiv”, “Paxtakor”, “Bunyodkor”, “Metallurg” hamda “Buxoro” jamoalari qatnashadigan bo‘ldi. “Navbahor” jamoasi ikkinchi bosqichni peshqadam sifatida boshlaydi.

Chempionlik uchun kurashadigan jamoalar:

#	Jamoa	O‘	YU	D	M	T-N	O
1	Navbahor	10	6	1	3	13-8	19
2	Lokomotiv	10	5	3	2	14-10	18
3	Paxtakor	10	5	2	3	13-4	17
4	Bunyodkor	10	4	2	4	16-14	14
5	Metallurg	10	2	3	5	8-19	9
6	Buxoro	10	2	1	7	8-17	7

Superligada qolish uchun esa “Qizilqum”, AGMK, “Nasaf”, “Qo‘qon-1912”, “So‘g‘diyona”, “Neftchi” jamoalari o‘zaro kurash olib boradi.

#	Jamoa	O‘	YU	D	M	T-N	O
1	Qizilqum	10	6	1	3	12-8	19
2	AGMK	10	4	4	2	13-10	16
3	Nasaf	10	4	4	2	7-5	16
4	Qo‘qon-1912	10	3	4	3	9-6	13
5	So‘g‘diyona	10	2	3	5	10-15	9
6	Neftchi	10	1	4	5	4-11	7