Бироз аввал хабар берилганидек, футбол бўйича Ўзбекистон Pepsi Суперлигаси биринчи босқичининг сўнгги, 22-тур баҳсларига старт берилди. Кун тақвимидан ўрин олган 4 учрашув ҳам якунига етди.
Тошкентда «Бунёдкор» «Сўғдиёна» билан кураш олиб бориб, иродали дурангга эришди. «Қалдирғочлар» 0:2 ҳисобида ортда бориб, якунда 2:2 ҳисобини қайд этди.
Фарғонада мухлислар «Водий дербиси»нинг гувоҳи бўлди. «Нефтчи» «Қўқон-1912»ни ўз майдонида қабул қилиб, 70-дақиқада Достон Тошматовнинг голи сабаб ғалабага эришди.
Яна бир учрашувда Олмалиқнинг АГМК жамоаси ўз уйида Бекободнинг «Металлург» жамоасини қабул қилиб, 2:3 ҳисобида мағлубиятга учради.
Турнинг марказий ўйинларидан бири «Бухоро» ҳамда «Локомотив» жамоалари ўртасида кечди. Унда «темирйўлчилар» 66-дақиқада Санжар Шоаҳмедовнинг голи сабаб 3 очколи бўлишди.
ПФЛ регламентига кўра, Суперлига чемпионлиги учун курашадиган кучли олтиликка кирган жамоалар номи маълум бўлди. Шу тариқа иккинчи босқичда «Навбаҳор», «Локомотив», «Пахтакор», «Бунёдкор», «Металлург» ҳамда «Бухоро» жамоалари қатнашадиган бўлди. «Навбаҳор» жамоаси иккинчи босқични пешқадам сифатида бошлайди.
Чемпионлик учун курашадиган жамоалар:
| # | Жамоа | О‘ | Ю | Д | М | Т-Н | О |
| 1 | Навбаҳор | 10 | 6 | 1 | 3 | 13-8 | 19 |
| 2 | Локомотив | 10 | 5 | 3 | 2 | 14-10 | 18 |
| 3 | Пахтакор | 10 | 5 | 2 | 3 | 13-4 | 17 |
| 4 | Бунёдкор | 10 | 4 | 2 | 4 | 16-14 | 14 |
| 5 | Металлург | 10 | 2 | 3 | 5 | 8-19 | 9 |
| 6 | Бухоро | 10 | 2 | 1 | 7 | 8-17 | 7 |
| # | Жамоа | О‘ | Ю | Д | М | Т-Н | О |
| 1 | Қизилқум | 10 | 6 | 1 | 3 | 12-8 | 19 |
| 2 | АГМК | 10 | 4 | 4 | 2 | 13-10 | 16 |
| 3 | Насаф | 10 | 4 | 4 | 2 | 7-5 | 16 |
| 4 | Қўқон-1912 | 10 | 3 | 4 | 3 | 9-6 | 13 |
| 5 | Сўғдиёна | 10 | 2 | 3 | 5 | 10-15 | 9 |
| 6 | Нефтчи | 10 | 1 | 4 | 5 | 4-11 | 7 |
Изоҳ (0)