Musulmonlar idorasi ijtimoiy himoyaga muhtoj oilaning uyini ta’mirlab beradi

Musulmonlar idorasi topshirig‘i bilan Toshkent shahridagi barcha masjidlarning imom-xatib va imom-noiblari 7—9-avgust kunlari Sergeli, Mirobod va Chilonzor tumanlaridagi xonadonlarga tashrif buyurib, aholining ijtimoiy-iqtisodiy ahvolini o‘rgandi, deb yozmoqda O‘zA.

Xususan, 9-avgust, payshanba kuni Olmazor tumanidagi “Siroj solih” jome masjidi imom-xatibi Hasanjon Qodirov boshchiligidagi ishchi guruh Sergeli tumani “Daryo bo‘yi” mahallasi aholisining yashash sharoiti bilan tanishdi.

Fuqarolarning muammolari, taklif-mulohazalari o‘rganilib, “Vaqf” xayriya jamoat fondi bilan hamkorlikda yordamga muhtoj oilalarga zaruriy oziq-ovqat mahsulotlari tarqatildi. Bundan tashqari, ishchi guruh ijtimoiy himoyaga muhtoj oilaning uyini ta’mirlab beradigan bo‘ldi.