Dunyodagi yirik markazlarining arxitektura misollarini mamlakatimizning milliy o‘ziga xosligimiz nuqtayi nazaridan ko‘rmoqchimisiz? Hayotning har bir lahzasini his qilgan holda bu muhitdan nafas olish uning markazida bo‘lishni istagan bo‘lsangiz, Tashkent City XIM misolida bunda ishtirok etishingiz mumkin...
Tashkent City XIM kelajak shahrini yaratish jarayonida eng oldi shaharsozlik, iqtisodiy va biznes qarashlar kesishgan joyga aylanmoqda. Innovatsion loyihani amalga oshirish ustida butun dunyodan kelgan yetakchi arxitektor, loyihachi, dizaynerlar ish olib borishyapti. Italiya, AQSh, Janubiy Koreya, Singapur kabi mamlakatlarning vakillari yaqin yillarda bu yerda eng dadil qarorlarni hayotga tatbiq etishadi.
Umuman olganda, mahalliy loyihalarni ishlab chiqishda xorijlik mutaxassislarni ishtirok etishga jalb etish o‘z navbatida yuqori darajada belgilangan trendga aylanib bormoqda.
Yaqindagina Davlat rahbari Germaniya fuqarosini Innovatsion rivojlantirish vazirining o‘rinbosari qilib tayinladi. Shuningdek, Avstriya, Turkiya, Janubiy Koreyadan kelgan mutaxassislar turli yo‘nalishlar bo‘yicha maslahatchi vazifasida faoliyat olib borishmoqda.
Tashkent City XIM dunyo standartlariga amal qilgan holda xalqaro boshqaruv tamoyillari va prognozlashtirishni hayotga tatbiq qilmoqda. Masalan, loyihani rivojlantirishning tijorat konsepsiyasini ishlab chiqish hamda uning xorijdagio‘xshash loyihalar bilan solishtirish uchun yirik Cushman & Wakefield xalqaro kompaniyasiga murojaat qilindi.
Uning xizmatlar jamlanmasiga tijorat samaradorligini oshirish, indeks va indikatorlar monitoringi, shahar va hududlarning investitsiyalarni o‘ziga jalb etishini baholash, shuningdek qo‘shni mamlakatlardagi ko‘chmas mulk bozorlarining tavsifi kiradi. Kompaniya qurilishi rejalashtirilgan obyektlarning bozor qiymatini baholadi va uning foyda keltirish samaradorligini tahlil qildi, tekshirdi va yuzaga kelishi mumkin bo‘lgan xavflar darajasini o‘rganib chiqdi.
Boshqacha qilib aytganda, Xalqaro ishbilarmonlik markazi samarali loyiha bo‘lishi uchun nima qilish kerak? Tadbirkorlar sarflagan mablag‘ni qoplashi va ketgan xarajatni “ko‘tarishi” uchun bir kvadrat metr ijara narxi qanday belgilanadi? Mamlakatning barcha aholisini Innovatsion City’ga tashrifini ta’minlash uchun nima qilish kerak?
Yuqoridagi masalalarga ijobiy javob topish uchun xorijda ulkan ishbilarmonlik loyihalarni amalga oshirgan ekspertlar mamlakatimizning iqtisodiy o‘ziga xosligini birma-bir o‘rganishdi, kelajakda rivojlanishning strategiyasini ishlab chiqishdi. Tashkent City XIM qurishda shu kabi ma’lumotlar hisobga olinadi.
Uni amalga oshirishdan maqsad, faqat moliyaviy foyda olishni ko‘zlamaydi. Loyiha avvalambor, iqtisodiy o‘sishni tezlashtiruvchi omillardan biri bo‘lib xizmat qiluvchi iqtisodiy rivojlanish institutini takomillashtirish bo‘lsa, boshqa tomondan mamlakatimizga kirib keladigan sarmoya uchun samarali muhitni ta’minlashdir. Mamlakatimizga nisbatan uzoq muddatli hamkor sifatida sarmoyadorlarning qiziqishi sezilarli darajada ortib bormoqda.
Ayni paytda qonunchilik bazasi mamlakat rivojlanishiga o‘z hissasini qo‘shishga qaror qilgan mahalliy va xorijlik tadbirkorlarning qiziqishlarini ta’minlovchi yana bir hujjat bilan to‘ldirildi. Davlatimiz rahbarining shu yil 1-avgustda imzolagan № 5495-sonli farmoyishi mamlakatdagi investitsion muhitni bir qator imtiyoz va shart-sharoitlar yaratish orqali tubdan yaxshilashni ko‘zda tutadi.
Xorijlik mutaxassislarni City qiyofasini yaratishga taklif etish bugungi kunda odddiy holga aylandi. Italiya va Germaniyadan kelgan arxitektorlar, Turkiyalik muhandislar, sifatni nazorat qilish bo‘yicha Rossiyadan kelgan nazoratchilar hamda loyihachilar ishning boshidanoq amaliyotga o‘z g‘oya va tashabbuslarini tatbiq etishmoqda.
Tashkent City XIM shu tarzda barcha yo‘nalishlardagi xalqaro ekspertlarning eng yaxshi tajribalarini o‘zida qamrab olmoqda. Ta’kidlash kerakki, chiqarilgan qarorlar rivojlangan xorijiy davlatlar qarorlariga asoslangan. Loyiha mualliflarining aytishicha, shahar milliy o‘ziga xosligini yo‘qotmaydi. .
Reklama huquqi asosida
Izoh (0)