1 август, чоршанба куни Бразилиянинг Рио-де-Жанейро шаҳрида Халқаро математика конгрессида Филдс мукофоти совриндорлари эълон қилинди. Бу ҳақда Meduza хабар бермоқда.
Математика соҳасидаги Нобель мукофотига тенглаштириладиган ва 4 йилда бир бор тақдим этиладиган Филдс мукофоти 40 ёшдан катта бўлмаган математикларга берилади.
2018 йилда мазкур мукофотга бир йўла 4 математик — келиб чиқиши эронлик Каучер Биркар, итальян Алессио Фигалли, австралиялик Акшай Венкатеш ҳам немис Петер Шольц сазовор бўлди.
Курд миллатига мансуб Каучер Биркар Ироқ-Эрон уруши даврида оиласи билан бирга Буюк Британияга қочиб боради. Ҳозирда у Британия фуқароси. Кембриж университетида дарс беради.
Тақдирлаш маросимидан ярим соат ўтиб Биркардан Филдс медалини ўғирлаб кетилди. Қайд этилишича, олим ўзининг дипломатини тақдирлаш ўтган жойда назоратсиз қолдиради. Унга яқин жойда эса медаль, телефон ҳам унинг ҳамёни бўлган. Кейинроқ дипломат ўриндиқ тагидан топилган. Аммо унда медаль бўлмаган.
Полиция эса ўғирликда гумонланаётган шахсни назорат камералари орқали аниқлаб улгурганини таъкидламоқда.
Изоҳ (0)