Bugun,

  • USD 11095.31
  • RUB 173.84
  • EUR 10772.44

O‘zbekiston Prezidentining 2018-yil 10-maydagi “Sog‘liqni saqlash tizimini tanqidiy o‘rganish va uni tubdan takomillashtirish bo‘yicha takliflarni tayyorlashni tashkil etish to‘g‘risida”gi farmoyishi muvofiq, Sog‘liqni saqlash vazirligi tomonidan Konsepsiya loyihasi tayyorlanmoqda. Vazirlik axborot xizmati xabariga ko‘ra, shu maqsadda Jahon sog‘liqni saqlash tashkiloti (JSST)ning nufuzli delegatsiyasi O‘zbekistonga taklif etilgan.

Foto: Sog‘liqni saqlash vazirligi

Foto: Sog‘liqni saqlash vazirligi

Ayni paytda O‘zbekistonda bo‘lib turgan JSSTning Yevropa mintaqaviy byurosi yetakchi eksperti Melitta Yakab boshchiligida delegatsiya mamlakatda amalga oshirilayotgan tibbiy-ijtimoiy islohotlarni har tomonlama o‘rganib, sog‘liqni saqlash tizimini tubdan takomillashtirish bo‘yicha ishlab chiqilayotgan Konsepsiya loyihasi yuzasidan takliflar tayyorlamoqda. Bundan tashqari, xalqaro ekspertlar tashrif doirasida Toshkentdagi ko‘plab tibbiyot muassasalarida aholiga tibbiy yordam ko‘rsatish jarayoni bilan bevosita tanishib, Sog‘liqni saqlash vazirligi, shuningdek, bir qator vazirlik hamda idoralarda mutaxassislar bilan uchrashuvlar o‘tkazmoqda.

Sog‘liqni saqlash vaziri Alisher Shodmonov va delegatsiya ekspertlari o‘rtasida bo‘lib o‘tgan muloqotda tizimni tubdan takomillashtirishga qaratilgan Konsepsiya loyihasi yuzasidan ko‘plab takliflar o‘rtaga tashlandi. Shuningdek, xorij mamlakatlaridagi ilg‘or tajribalarni chuqur o‘rganish, shu asosda tibbiyot sohasi taraqqiyotini yangi bosqichga ko‘tarish, xodimlarni ijtimoiy qo‘llab-quvvatlashni kuchaytirish, malakali mutaxassislar tayyorlash tizimini yanada takomillashtirish borasidagi sa’y-harakatlar ekspertlar tomonidan yuqori baholandi.

Muloqotda O‘zbekiston tibbiyot tizimida oqilona strategiya hamda ustuvor yo‘nalishlar belgilab olinayotgani e’tirof etilgan holda ushbu tarixiy voqealarning guvohi bo‘lish maqsadida shu yil JSST bosh direktori Tedros Gebreyesusning tashrifi kutilayotgani ham ma’lum qilindi.

“Biz yurtingizga ushbu Konsepsiyani hamkorlikda tayyorlash uchun kelganmiz. E’tiborli jihati, so‘nggi ikki yil ichida O‘zbekiston tibbiyotda tanlagan o‘z strategiyasi bilan Jahon sog‘liqni saqlash tashkilotining faol a’zosiga aylandi. Bundan buyon ham ko‘p tomonlama hamkorlik aloqalarini yanada rivojlantirishga tayyormiz”, dedi Melitta Yakab.

Sog‘liqni saqlash vazirligidan qo‘shimcha qilishlaricha, O‘zbekistonda faol ish olib borayotgan mazkur xalqaro delegatsiya tashrifi yakunlari bo‘yicha mamlakat sog‘liqni saqlash tizimidagi islohotlarni rivojlantirishga qaratilgan taqdimot o‘tkazilishi ham rejalashtirilgan.

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar