Bugun,

  • USD 11014.01
  • RUB 191.8
  • EUR 10674.78

Toshkent shahrining 11 tumanida ishchi guruhlari tomonidan yig‘ilgan ma’lumotlarni axborot bazasiga kiritish, ularni tahlil qilish va o‘rganish uchun shtablar tashkil etilgan. Xotin-qizlar qo‘mitasi, ichki ishlar bo‘limi vakillari, bank xizmatchilari, turli vazirliklar mutasaddilari o‘z sohalariga doir masalalarni hal qilmoqda. Bu haqda “Daryo”ga Innovatsiya vazirligi matbuot xizmati ma’lum qildi.

Foto: Innovatsiya vazirligi matbuot xizmati

Foto: Innovatsiya vazirligi matbuot xizmati

Toshkent shahri ishchi guruhi rahbari – Innovatsion rivojlanish vaziri Ibrohim Abdurahmonov Aloqa kasb-hunar kolleji va Turin politexnika universiteti qoshidagi akademik litseyga borib, shtabga murojaat bilan kelayotgan yoshlar bilan uchrashdi. Uchrashuv davomida ko‘proq uch xil muammo bo‘yicha murojaatlar kelib tushayotgani aniqlandi, bular — ishsizlik, uy-joy va banklardan kredit olishga doir muammolar ekani qayd etildi.

Shu bilan birga, yoshlarni ta’lim olishga doir muammolar ham qiynayotganiga guvoh bo‘lindi. Jumladan, yoshlarga beriladigan ayrim maxsus imtiyozlar barcha oliy ta’lim muassasalariga birdek qo‘llanishi lozimligi, yoshlarning talablaridan kelib chiqqan holda kollej, litsey va oliy ta’lim muassasalarida rus yoki o‘zbek tili guruhlariga qabul kvotalarini o‘zgartirish lozimligi haqida takliflar bildirildi.

Foto: Innovatsiya vazirligi matbuot xizmati

Foto: Innovatsiya vazirligi matbuot xizmati

Shuningdek, yoshlarning tadbirkorlik bilan shug‘ullanish istagida rejalar tuzib qo‘yganlari, ammo ularni amalga oshirish uchun kreditlar berilmayotgani haqida ham gapirildi. Tadbirkorlik faoliyati bilan shug‘ullanishni istagan yoshlarimizda huquqiy bilimlar va tajribaning kamligi ham alohida mavzuga aylandi. Ishchi guruh a’zolari poytaxtning har bir mahallasida bolalar va o‘smirlarning bo‘sh vaqtlarini mazmunli o‘tkazishlari uchun turli xil to‘garaklar, sport seksiyalari tashkil etish bo‘yicha zudlik bilan amaliy ishlar qilinishi kerakligiga kelishib oldi.

Izoh
Asosiy yangiliklar
Mahalliy
O‘zbekistonda sentabr oyida eng qimmat va eng arzon palov qayerda tayyorlangani ma’lum qilindi
Sport
Futzal bo‘yicha Osiyo Kubogi. O‘zbekiston 7 ta gol urilgan o‘yinda Bahraynni tor-mor etdi
Dunyo
Alla Pugachyova qasrini 1 milliard rublga sotuvga qo‘ydi