Nursulton Nazarboyevning nevarasi turmushga chiqdi

Qozog‘iston Senatining xalqaro aloqalar, mudofaa va xavfsizlik qo‘mitasi raisi Darig‘a Nazarboyevaning qizi, Qozog‘iston prezidenti Nursulton Nazarboyevning nevarasi Venera turmushga chiqdi, deya xabar bermoqda “Nur.kz”.

To‘y 23-iyun kuni Olmaotadagi Ritz-Carlton mehmonxonasining bal zalida bo‘lib o‘tdi. Kuyov mamlakatda mashhur bo‘lgan Chayjunusovlar sulolasi vakili — 22 yoshli Dalen Chayjunusov. U Al-Farobiy nomidagi Qozog‘iston Milliy universiteti huquqshunoslik fakulteti bitiruvchisidir.

Venera esa jamoatchilik aloqalari va san’at yo‘nalishida ta’lim olmoqda.

To‘y marosimida mamlakat prezidenti va birinchi xonim ham qatnashib, kelin-kuyovga oq fotiha bergan.

Shuningdek, mehmonlar orasida Darig‘a Nazarboyevaning qadrdon do‘sti Filipp Kirkorov ham bo‘lgan.