Bugun,

  • USD 11014.01
  • RUB 191.8
  • EUR 10674.78

Samarqandda bojxonachilar Rossiyadan uchib kelgan fuqaroning noqonuniy tarzda tibbiy buyumlar olib kirishga urinayotganini aniqladi, deb xabar beradi Bojxona qo‘mitasi matbuot xizmati “Daryo”ga.

Foto: Getty Images

Foto: Getty Images

Samarqand xalqaro aeroportiga “Domodedovo—Samarqand” yo‘nalishidagi 606-raqamli aviareys bilan uchib kelgan O‘zbekiston Respublikasi fuqarosi O.Sh “yashil” yo‘lak orqali bojxona nazorati zonasidan o‘tish vaqtida undan O‘zbekiston Respublikasiga olib kirilishida maxsus ruxsatnoma talab qilinadigan tovarlar bor yo‘qligi og‘zaki so‘raldi.

Fuqaro bunday tovarlar yo‘qligini aytganidan so‘ng unga tegishli bo‘lgan bagaj sumkasi xolislar ishtirokida tekshirildi.

Natijada sumka ichidan 29 800 000 so‘mlik 12 turdagi tibbiyot sohasida foydalaniladigan tovarlar va iPhone 5S uyali telefon borligi aniqlanib, bojxona xodimlari tomonidan ma’muriy huquqbuzarlik to‘g‘risidagi bayonnoma rasmiylashtirilgan.

Sud majlisida fuqaro O.Sh o‘z ko‘rsatmasida bu kabi tovarlarni O‘zbekiston Respublikasiga olib kirishda me’yoriy cheklovlar borligini bilmaganligini, bu holatni boshqa takrorlamasligini, qilmishidan pushaymon ekanligini aytib, yengil jazo berishlarini so‘ragan.

Sud fuqaro O.Sh.ni qilmishini yengillashtiruvchi va og‘irlashtiruvchi holatlari mavjud emas deb hisoblab, unga nistaban jazo tayinlashda vaqtincha hech qayerda ishlamasligi, qaramog‘ida ikki nafar farzandi borligi, oilasida yagona boquvchi ekanligi, oilaviy sharoiti va moddiy ahvolini inobatga olgan holda tegishli qaror chiqardi.

Unga ko‘ra fuqaro O.Sh. O‘zbekiston Respublikasi Ma’muriy javobgarlik to‘g‘risidagi kodeksning 227-moddasi 1-qismida ko‘rsatilgan ma’muriy huquqbuzarlikni sodir etganlikda aybli deb topilib, sud qonunning insonparvarlik prinsipini qo‘llab, O‘zbekiston Respublikasi Ma’muriy javobgarlik to‘g‘risidagi kodeksning 21-moddasiga asosan ma’muriy javobgarlikdan ozod etdi.

Huquqbuzarlik ashyosi sifatida olingan hamda tegishli ekspertiza xulosasiga ko‘ra tibbiy amaliyotda foydalanishga taqiqlangan 12 turdagi tibbiyot sohasida foydalaniladigan tovarlar tegishli tartibda yo‘q qilindi va iPhone 5S uyali telefoni davlat foydasiga musodara qilindi.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi