“Chorvoq suv ombori” nasos stansiyasidagi o‘g‘rilik fosh etildi, deb xabar beradi IIV Jamoatchilik va OAV bilan aloqalar boshqarmasi.
Toshkent viloyatining Bo‘stonliq tumanida 22-may kuni “Qurilish montaj ta’mirlash” UK rahbari Z.Q. IIBga murojaat qilib, 2017-yil dekabr oyidan 2018-yil aprel oyiga qadar bo‘lgan vaqt oralig‘ida noma’lum shaxs “Chorvoq suv ombori” halqa yo‘lida qurilgan nasos stansiyasiga kirib, u yerdan 68 600 000 so‘mlik yettita “Grandfar” suv nasosini o‘g‘irlab ketganligini ma’lum qilgan.
Ko‘rilgan choralar natijasida ushbu jinoyatni Chorbog‘ qo‘rg‘onida yashovchi besh kishi sodir etgani aniqlanib, ushlangan.
Izoh (0)