Bugun, 13-may sanasida Angliyada navbatdagi futbol mavsumi yakunlandi.
Mavsumning so‘nggi 38-turi o‘ta quvnoq darajada o‘tdi. Jumladan, “Tottenhem” “Lester”ni qabul qilgan o‘yinda muxlislar 9 ta gol ko‘rishga muvaffaq bo‘ldi. Uchrashuv 5:4 hisobida “shporlar” foydasiga hal bo‘ldi. Shu tariqa Maurisio Pochettino shogirdlari mavsumni 3-o‘rinda yakunlash bilan birga Yevropa Chempionlar Ligasiga yo‘llanmani qo‘lga kiritdi.
“Chelsi” esa “Nyukasl” mehmoni bo‘lib, 0:3 hisobida mag‘lub bo‘ldi va kelasi mavsumda Yevropa Ligasida o‘ynaydigan bo‘ldi.
Muddatidan avval Angliya chempioni bo‘lgan “Manchester Siti” esa safarda “Sautgempton”ni mag‘lub etib, mavsumni 100 ochko to‘plagan holda yakunladi. Gvardiola shogirdlari, shuningdek, eng yaxshi gollar nisbatini ham o‘ziniki qildi. “Shaharliklar” 106 ta gol urib, o‘z darvozasidan 27 ta gol olib chiqdi. To‘plar nisbati: + 79.
Klopp boshliq “Liverpul” mavsumni “Brayton”ni 4:0 hisobida mag‘lub etgan holda 4-o‘rinda yakunladi va Yevropa Chempionlar Ligasiga yo‘llanmani qo‘lga kiritdi.
Joze Mourinyo boshchiligidagi “Manchester Yunayted” o‘z maydonida “Uotford”ni qabul qilib, 1:0 hisobida g‘alaba qozongan holda mavsumni ikkinchi o‘rinda yakunladi.
Angliya premer ligasi
38-tur bellashuvlari
13-may, yakshanba
“Byornli” — “Bornmut” 1:2
Gollar: 1:0 – 39 Vud, 1:1 – 74 King, 1:2 – 90 Uilson.“Kristal Pelas” — “Vest Bromvich” 2:0
Gollar: 1:0 – 70 Zaxa, 2:0 – 78 van Anxolt.“Xadderfild” — “Arsenal” 0:1
Gol: 0:1 – 38 Obameyang.“Liverpul” — “Brayton” 4:0
Gollar: 1:0 – 26 Saloh, 2:0 – 40 Lovren, 3:0 – 53 Solanke, 4:0 – 85 Robertson.“Manchester Yunyated” — “Uotford” 1:0
Gol: 1:0 – 34 Reshford.“Nyukasl” — “Chelsi” 3:0
Gollar: 1:0 – 23 Geyl, 2:0 – 59 Peres, 3:0 – 63 Peres.“Sautgempton” — “Manchester Siti” 0:1
Gol: 0:1 – 90 Gabriel Jezus.“Suonsi Siti” — “Stok Siti” 1:2
Gollar: 1:0 – 14 King, 1:1 – 31 Ndiaye, 1:2 – 41 Krauch.“Tottenhem” — “Lester” 5:4
Gollar: 0:1 – 4 Vardi, 1:1 – 7 Keyn, 1:2 – 16 Marez, 1:3 – 47 Ixeanacho, 2:3 – 49 Lamela, 3:3 – 53, avtogol Fuks, 4:3 – 60 Lamela, 4:4 – 73 Vardi, 5:4 – 76 Keyn.“Vest Hem” — “Everton” 3:1
Gollar: 1:0 – 39 Lansini, 2:0 – 63 Arnautovich, 2:1 – 74 Nyasse, 3:1 – 82 Lansini.
Izoh (0)