Italiyada ENAV davlat aviadispetcherining xodimlari ish tashlash o‘tkazmoqda. Uning natijasida mamlakatda 721 ta aviareys bekor qilingan. Bu haqda “Korrespondent.net” xabar berdi.
Ta’kidlanishicha, ish tashlashni birdaniga bir nechta kasaba uyushmalari e’lon qilgan. Ular ikki guruhga bo‘linib, kunning ikki qismida ish tashlashni amalga oshirgan.
Xabar qilinishicha, ish tashlashlar Rim, Milan, Neapol, Venetsiya va Bolonya aeroportlari ishiga ta’sir qilgan.
Italiyaning yirik aviatashuvchisi Alitalia 200 dan ortiq reys bekor qilinganini e’lon qilgan, shuningdek, Ryanair, EasyJet va British Airways aviakompaniyalarining reyslari ham bekor qilingan.
Izoh (0)