Hindistonda yuk mashinasi ko‘prikdan qulashi oqibatida 20 dan ortiq odam halok bo‘ldi

Hindiston markazidagi Madxya-Pradesh shtatida yuk mashinasining ko‘prikdan qulashi oqibatida 21 kishi halok bo‘ldi. Bu haqda “Korrespondent.net” xabar bermoqda.

Bundan tashqari, 30 kishi yaralandi.

Aytilishicha, yuk mashinasi Sidxi shahrida bo‘layotgan to‘y marosimiga ketayotgan edi. Ammo haydovchi boshqaruvni qo‘ldan chiqarishi oqibatida YTH ro‘y berdi.

Shtat vaziri Shivray Singx Choxan halok bo‘lganlarning oilalariga 100 ming rupiyadan, jabrlanuvchilarga 50 ming rupiyadan to‘lanishini ma’lum qildi.