Ҳиндистонда юк машинаси кўприкдан қулаши оқибатида 20 дан ортиқ одам ҳалок бўлди

Ҳиндистон марказидаги Мадхья-Прадеш штатида юк машинасининг кўприкдан қулаши оқибатида 21 киши ҳалок бўлди. Бу ҳақда «Корреспондент.net» хабар бермоқда.

Бундан ташқари, 30 киши яраланди.

Айтилишича, юк машинаси Сидхи шаҳрида бўлаётган тўй маросимига кетаётган эди. Аммо ҳайдовчи бошқарувни қўлдан чиқариши оқибатида ЙТҲ рўй берди.

Штат вазири Шиврай Сингх Чохан ҳалок бўлганларнинг оилаларига 100 минг рупиядан, жабрланувчиларга 50 минг рупиядан тўланишини маълум қилди.