Bugun,

  • USD 11095.31
  • RUB 173.84
  • EUR 10772.44

Marhamat tumanida yashovchi tadbirkor Oybek Ashurov tashkil etgan “Vodiy hamkor agrofirma” mas’uliyati cheklangan jamiyatida ayni paytda 450 bosh qo‘y, 500 bosh echki parvarishlanmoqda. Yaqin orada parrandachilik, asalarichilik, baliqchilikni ham yo‘lga qo‘yish rejalashtirilgan, deb yozadi “Xalq so‘zi”.

Foto: “Xalq so‘zi”

Foto: “Xalq so‘zi”

“2016-yilda quyonchilikka asos solgan edik, — deydi MChJ texnologi Dilmurodjon Ashurov. — Hisob-kitob qilib ko‘rsak, bitta qo‘yga sarflangan xarajatni quyonga sarflasangiz olti oy muddat ichida to‘rt barobar ko‘p daromad keltirar ekan. Buni amalda sinab ko‘rish uchun Italiya hamda Fransiyadan 115 bosh ‘Kaliforniya’, ‘Yangi Zelandiya’, ‘Flander’ hamda ‘Reks’ zotli quyonlarni olib keldik. Natijada 2017-yilning o‘zida 3,5 ming bosh quyon tarqatishga erishdik”.

Xalqaro tajriba shuni ko‘rsatmoqdaki, agrar tarmoqda quyonchilik ham serdaromad yo‘nalish hisoblanadi. Nega deganda, avvalo, uning go‘shti parhezbop.

Foto: “Xalq so‘zi”

Foto: “Xalq so‘zi”

“Vodiy hamkor agrofirma” quyonchilikni viloyatda yana taraqqiy ettirish payida bo‘lmoqda. Jamiyat tomonidan shu yil boshidan buyon 150 ta fermer xo‘jaligi va 200 dan ortiq oilalarga quyon yetkazib berildi.

Bundan tashqari, quyon go‘shtini qadoqlash, terisini qayta ishlash loyihalari ham ishlab chiqilib, Rossiyadan 50 ming dollar qiymatidagi texnologik liniya olib kelindi. Bu yaqin orada terini qayta ishlash korxonasi ish boshlaydi, deganidir. Natijada yiliga 150 ming dollarlik teri xomashyosi Janubiy Koreyaga eksport qilinadi.

Viloyat hokimligi yaqinda “Vodiy hamkor agrofirma” uchun qo‘shimcha 35 gektar yer maydoni ajratdi. Demak, omuxta yem ham MChJning o‘zida tayyorlanadi va mahsulot tannarxi yanada arzon bo‘ladi.

Izoh
Asosiy yangiliklar
Mahalliy
Rossiyada sodir bo‘lgan YTHda bir nafar o‘zbekistonlik halok bo‘ldi, yana to‘rt kishi jarohat oldi
Dunyo
Tojikistonda muzliklar erishi tezlashdi. Bu muzliklar deyarli butun Markaziy Osiyoni chuchuk suv bilan ta’minlaydi
Dunyo
Zelenskiy Putinning hibsga olinishiga berilgan orderni “burilish nuqtasi” deb atadi