Ukrainalik akademik Toshkentda bepul operatsiyalar o‘tkazadi

Kiyevdagi akademik Romodanov nomli neyrojarrohlik instituti direktori Yevgeniy Pedachenkoning Toshkentga kelishi kutilmoqda. Bu haqda “Podrobno.uz” xabar bermoqda.

O‘zbekistonning Ukrainadagi elchisi Alisher Abdualiyevning tibbiyot fanlari doktori, akademik Pedachenko bilan uchrashuvida Kiyevdagi institutning O‘zbekistondagi tibbiy muassasalar bilan hamkorligi muhokama qilindi.

Muloqot yakunida o‘zbek shifokorlarining Neyrojarrohlik institutida malaka oshirishlari, shuningdek, akademikning 31-maydan 5-iyungacha O‘zbekistonda bo‘lishi va ko‘rgazmali bepul jarrohlik operatsiyalari o‘tkazishi haqida kelishib olindi.