Украиналик академик Тошкентда бепул операциялар ўтказади

Киевдаги академик Ромоданов номли нейрожарроҳлик институти директори Евгений Педаченконинг Тошкентга келиши кутилмоқда. Бу ҳақда «Podrobno.uz» хабар бермоқда.

Ўзбекистоннинг Украинадаги элчиси Алишер Абдуалиевнинг тиббиёт фанлари доктори, академик Педаченко билан учрашувида Киевдаги институтнинг Ўзбекистондаги тиббий муассасалар билан ҳамкорлиги муҳокама қилинди.

Мулоқот якунида ўзбек шифокорларининг Нейрожарроҳлик институтида малака оширишлари, шунингдек, академикнинг 31 майдан 5 июнгача Ўзбекистонда бўлиши ва кўргазмали бепул жарроҳлик операциялари ўтказиши ҳақида келишиб олинди.