Qarindoshlarini dafn etish uchun kafolatlangan xizmatlar ro‘yxatidan boshqa biror narsani istagan rossiyaliklarga xizmatlarni ko‘rsatishni rad etish taklif etildi. Rossiya qurilish vazirligi tegishli qonun loyihasini tayyorladi, deb yozadi “Izvestiya”.
Nashrning ta’kidlashicha, tekin xizmatlar ro‘yxatiga hujjatlarni rasmiylashtirish, tobut taqdim etish, marhumni o‘likxonadan qabristonga olib borish, qabr kovlash va ko‘mish kiradi. Vafot etgan insonning qarindoshi dafn marosimini o‘z hisobidan tashkil etishga qaror qilsa yoki biror-bir buyumni almashtirish, masalan, odatdagi tobutni qimmatrog‘iga almashtirishni so‘rasa, unga 5,5 ming rubl miqdoridagi nafaqa to‘lanadi.
Marhumning yaqinlari kafolatlangan ro‘yxat doirasidan chiqishga qaror qilsa, 5,5 ming rublni olib, dafn marosimining qolgan xarajatlarini o‘zi to‘lashiga to‘g‘ri keladi.
Izoh (0)