O‘zbekiston Savdo-sanoat palatasi Amerikadagi maxsus amaliyot stajirovka dasturi (SABIT) davomida AQShda 3 haftalik stajirovka uchun nomzodlarni tanlash boshlaganini ma’lum qildi, deb xabar berdi Spot.
- Stajirovka yo‘nalishi: “Axborot texnologiyalari: startap-kompaniyalar boshqaruvi
- Stajirovka muddati: 12-iyundan 30-iyunga qadar
- Stajirovka tillari: rus va ingliz
- Hujjatlarni qabul qilish muddati: 30-martga qadar.
- Ishtirokchi anketasi;
- Kompaniyaning boshlig‘idan nomzodning vazifalari va stajirovka Dasturida ishtirok etish muddati ko‘ratilgan ruxsatnoma;
- Ishtirokchi pasportining birinchi sahifasidan nusxa (biografik ma’lumotlar).
Saralashdan o‘tgan ishtirokchilar mezbon tomonidan AQSh borish-kelish aviachiptalari, mehmonxonada yashash, keng qamrovli o‘quv dasturi, tarjima xizmatlari, tibbiy sug‘urta va ovqatlanish xarajatlari hamda qo‘shimcha xarajatlarni qoplash uchun stipendiya bilan ta’minlanadi. Viza xarajatlarini esa ishtirokchi tomon to‘laydi.
- Stajirovka axborot-kommunikatsiya texnologiyalari va startap sohasi mutaxassislari uchun mo‘ljallangan;
- Nomzodning o‘rta va oliy darajadagi rahbar sifatidagi ish tajribasi 3 yildan kam bo‘lmasligi kerak;
- Oliy ma’lumot;
- Rus yoki ingliz tilida bemalol so‘zlasha olish;
- Texnikaviy tayyorgarlik va axborot-kommunikatsiya texnologiyalari sohasidagi tegishli tajribaga ega bo‘lgan, shuningdek, ayni vaqtda kompaniya yoki tashkilotda yuqori lavozimlarda ishlayotgan nomzodlar alohida ustunlikka ega bo‘ladi.
Izoh (0)