Xitoy iqtisodiyoti 2017-yil yakunlari bo‘yicha dunyoda ikkinchi o‘rinni egalladi

2017-yil iqtisodiy taraqqiyoti yakunlari bo‘yicha Xitoy dunyoning eng yirik iqtisodiyotlari o‘rtasida ikkinchi o‘rinni egalladi. Bu haqda XXR Davlat qo‘mitasining taraqqiyot va islohotlar bo‘yicha raisi Xe Lifen jurnalistlarga ma’lum qildi, deb yozadi “Interfaks”.

“Xitoy YaIM 2017-yilda 82,7 trillion yuanga yetdi. Bu o‘tgan yilning 31-yanvaridagi almashuv kursi bo‘yicha 12,2 trillion dollarga mos keladi. Bu ko‘rsatkich bo‘yicha dunyoning birinchi iqtisodiyoti — AQShdan 7 trillion dollarga ortda qolmoqdamiz, biroq dunyoning uchinchi o‘rindagi iqtisodiyoti Yaponiyadan aynan shuncha 7 trillion dollarga oldindamiz”, — dedi u.

Mansabdor o‘tgan yil davomida YaIM o‘sishi aholi jon boshiga 900 dollarni tashkil etganligiga e’tibor qaratdi.