Madridning “Real” jamoasi klublar o‘rtasidagi Jahon Chempionatida ishtirok etgani uchun, uning 16-turdan o‘rin olgan “Leganes”ga qarshi o‘yini 21-fevralga qoldirilgandi. Kecha o‘sha o‘yinda Zidan jamoasi “Leganes”ga qarshi saf tortdi.
Shu kuni “Qirollik klubi” safida Toni Kroos, Luka Modrich, Marselo, Krishtianu Ronaldu kabi futbolchilar harakat qilmadi. Shunga qaramay, madridlik futbolchilar irodali g‘alabaga erisha oldi.
Mazkur g‘alabasidan so‘ng “Real” turnir jadvalida ko‘tarilishga erishib, “Valensiya”dan oldinga o‘tib oldi. Endilikda “Barselona” va “Atletiko” orasidagi farq 7 ochkoni tashkil qilgani kabi, Madridning ikki jamoasi o‘rtasidagi farq ham xuddi shuncha. Ya’ni, “Barselona” azaliy raqibi “Real”dan 14 ochkoga ilgarilab ketgan. Chempionlar Ligasiga yo‘llanma beruvchi so‘nggi o‘rinda borayotgan valensiyalik futbolchilar ham “Sevilya”dan aynan 7 ochko ko‘proq jamg‘argan.
Ispaniya La Ligasi 16-tur. Qoldirilgan o‘yin 21-fevral, chorshanba
“Leganes” — “Real Madrid” 1:3
Gollar: Unai Bustinsa, 6 (1:0). Lukas Vaskes, 11 (1:1). Kazemiro, 29 (1:2). Serxio Ramos, 90-pen (1:3).
Izoh (0)