O‘zbekiston Prezidenti Shavkat Mirziyoyev Toshkentda qurilayotgan halqa metro yo‘li bo‘ylab velosiped yo‘lkasi o‘tkazishni taklif etdi. Bu haqda Prezident 9-fevral kuni metropolitenni kompleks rivojlantirish rejasi bilan tanishuvi davomida aytib o‘tgan. Bu haqda “O‘zbekiston 24” telekanalining “Axborot 24” dasturida ma’lum qilindi.
Halqa metro yo‘lining umumiy uzunligi 52,1 kilometr bo‘lib, uning 50,5 kilometri yer ustida — 6 metr balandlikdagi estakadalar bo‘ylab o‘tadi. Prezident estakadalarga yondosh hududni obodonlashtirish ekologik farovonlik uchun muhim ahamiyatga ega ekanligini ta’kidladi.
“Guli bo‘lsin, skameyskasi bo‘lsin, kitob o‘qiydigan, choyxonasi, suv ichadigan joyi bo‘lsin. Odamlar mazza qilib dam oladigan joy bo‘lsin. Metropoliten rahbariyati buning ekspluatatsiyasi uchun mas’ul. Hozirdan shuni qilish kerak”, — dedi Prezident.
Prezidentning qo‘shimcha qilishicha, estakadaga yondosh hudud bo‘ylab veloyo‘lakchalar yotqizish mumkin, chunki bu joy velosipedchilar uchun xavfsiz sanaladi. “Tuman hokimi qabul qiladi, veloyo‘lakchani eksplautatsiyaga beradi. Yoshlar ham minadi, qariyalar ham minadi, kechqurun ham minsin, ertalab ham minsin. Juda qulay bu”, — dedi Shavkat Mirziyoyev.
Izoh (0)