Kataloniyaning “Barselona” klubini Ispaniya La Ligasida mag‘lub etadigan jamoa mavsum boshidan buyon topilmayapti.
Erneste Valverde boshchilik qilayotgan klub 22-turni “Espanyol” maydonida o‘tkazib, mag‘lubiyatdan qutilib qoldi — 1:1. Bu esa jamoaga 2009/10-yilgi rekordni yangilash imkonini berdi. Gap shundaki, Xosep Gvardiola boshchilik qilgan o‘sha mavsumda kataloniyaliklar ketma-ket 21 ta turni mag‘lubiyatsiz o‘tkazgan va 22-turga kelibgina “Atletiko”dan yengilgandi — 1:2.
Aynan mavsum boshidan buyon hisoblangan seriyada Ernesto Valverde boshchilik qilayotgan klub ilg‘orroq chiqib qoldi. Chunki jamoa 22-turda ham mag‘lub bo‘lmadi. Buyog‘iga “Barselona” mana shu rekordni davom ettirish imkoniyatiga ega. Kelasi turni jamoa 11-fevral kuni o‘z maydonida “Xetafe”ga qarshi o‘tkazadi.
Izoh (0)