Ispaniya La Ligasining 22-tur bellashuvlari bugun — 5-fevral kungi o‘yin bilan o‘z yakuniga yetadi.
Kecha muxlislar Kataloniya derbisini tomosha qildi va unda peshqadam “Barselona” 2 ochko yo‘qotdi. Bungacha Ernesto Valverde shogirdlari bilan “Atletiko”, “Valensiya” va “Selta” klublari durang o‘ynay olgandi. Kecha ular safiga “Espanyol” ham qo‘shildi.
Shu kuni Lionel Messi zaxiradan o‘yinga tushdi. 82-daqiqada Pike aynan Messining pasidan so‘ng hisobni tenglashtirishga erishdi. “Barselona” bir necha kun ilgari Ispaniya Kubogining chorak finalida “Espanyol” mehmoni bo‘lib, 0:1 hisobida imkoniyatni boy bergandi. Bu yil “Kornelya El Prat” stadioni La Liga yetakchisi uchun og‘ir keldi.
Turning markaziy o‘yini “Atletiko”ning g‘alabasi bilan yakuniga yetdi. Shu tariqa Diyego Simeone jamoasi “Valensiya”dan 9 ochko ilgarilab ketishni boshladi. “Atletiko”ning o‘zi peshqadam “Barselona”dan xuddi shuncha ochko ortda qolib ketgan.
Kecha “Real” 2 ochko yo‘qotdi. Bugun “Barselona” Kataloniya derbisida, “Atletiko” esa “Valensiya” bilan o‘ynaydi
Ispaniya La Ligasi 22-tur bellashuvlari 4-fevral, yakshanba“Xetafe” — “Leganes” 0:0
“Espanyol” — “Barselona” 1:1
Gollar: Xerard, 66 (1:0). Jerar Pike, 82 (1:1).“Jirona” — “Atletik” 2:0
Gollar: Kristian Stuani, 7-pen (1:0). Kristian Stuani, 65 (2:0).“Atletiko” — “Valensiya” 1:0
Gol: Anhel Korrea, 59 (1:0).5-fevral, dushanba“Las-Palmas” — “Malaga” 01:00
Izoh (0)