NASA pulsarlar (aylanuvchi neytron yulduzlari) rentgen signallari foydalaniladigan navigatsiya tizimini muvaffaqiyatli sinovini o‘tkazdi. Bu haqda agentlik saytida ma’lum qilindi.
Tajriba Xalqaro koinot stansiyasiga o‘rnatilgan NICER (Neutron-star Interior Composition Explorer) qurilmasi yordamida amalga oshirildi. Qurilma o‘tgan yil noyabrida ikki kun davomida 4 pulsarni kuzatdi va ularning signallari asosida koinot stansiyasi orbitaning qaysi nuqtasida ekanligini aniqladi.
Olingan koordinatalar GPS ma’lumotlari bilan solishtirib ko‘rildi va NICER XKS joylashuvini 16 kilometrli radius atrofida hisoblab chiqqani ma’lum bo‘ldi. GPS tizimi joylashuvini bir necha metr aniqlikkacha belgilaydi, biroq masofalar millionlab kilometr bilan o‘lchanadigan koinot uchun bunday aniqlik talab etilmaydi.
Agentlik kelgusida NICER uchun “yuzlab metr” aniqlikka erishish niyatida.
Izoh (0)