NASA пульсарлар (айланувчи нейтрон юлдузлари) рентген сигналлари фойдаланиладиган навигация тизимини муваффақиятли синовини ўтказди. Бу ҳақда агентлик сайтида маълум қилинди.
Тажриба Халқаро коинот станциясига ўрнатилган НICEР (Neutron-star Interior Composition Explorer) қурилмаси ёрдамида амалга оширилди. Қурилма ўтган йил ноябрида икки кун давомида 4 пульсарни кузатди ва уларнинг сигналлари асосида коинот станцияси орбитанинг қайси нуқтасида эканлигини аниқлади.
Олинган координаталар GPS маълумотлари билан солиштириб кўрилди ва НICEР ХКС жойлашувини 16 километрли радиус атрофида ҳисоблаб чиққани маълум бўлди. GPS тизими жойлашувини бир неча метр аниқликкача белгилайди, бироқ масофалар миллионлаб километр билан ўлчанадиган коинот учун бундай аниқлик талаб этилмайди.
Агентлик келгусида НICEР учун «юзлаб метр» аниқликка эришиш ниятида.
Изоҳ (0)