Oliy Majlis Senati 20-dekabr, chorshanba kungi plenar yig‘ilishida harbiy-sanoat kompleksi yaratilishi va qurolli kuchlar tashkiliy tuzilmasi takomillashtirilishini nazarda tutuvchi O‘zbekiston Respublikasi mudofaa doktrinasi to‘g‘risidagi qonunni tasdiqladi. Bu haqda 1News xabar bermoqda.
Senat mudofaa va xavfsizlik masalalari qo‘mitasi raisi Farrux Dadaxo‘jayevga ko‘ra, yangi qonun 1995-yilda parlament tomonidan tasdiqlangan harbiy doktrina to‘g‘risidagi qonun va 2000-yilda Birinchi Prezident Islom Karimov farmoni bilan tasdiqlangan mudofaa doktrinasini birlashtirishi ko‘zda tutilgan.
Hujjat dunyo va mintaqada vaziyatning rivojlanish dinamikasi, yuzaga kelayotgan tahdid va chaqiriqlardan kelib chiqib tayyorlangan.
Yangi doktrina, avvalgi ikki hujjat kabi, mudofaa ko‘rinishiga ega va O‘zbekiston armiyasining mamlakatdan tashqarida harbiy harakatlar va operatsiyalarda ishtirok etishi, mamlakat hududida xorijiy baza va obyektlar joylashtirilishini ko‘zda tutmaydi. Shuningdek, O‘zbekiston harbiy-siyosiy ittifoqlar va koalitsiyalarga qo‘shilmaydi.
Izoh (0)