Poytaxtdagi “Afsona” savdo markazida 17-dekabr kuni “Zelyoniy chay” kompaniyasi tomonidan o‘tkazilayotgan “Aksiya O”ning tantanali taqdirlash marosimi bo‘lib o‘tdi.
“Aksiya O” g‘oliblarini taqdirlashning dastlabki bosqichida Toshkent shahri va Toshkent viloyati g‘oliblari, homiy tashkilot vakillari, aksiya tashkilotchilari hamda OAV ishtirok etdi. Aksiyani o‘tkazishdan ko‘zlangan asosiy maqsad mamlakat iqtisodiyotiga hissa qo‘shish, ya’ni kichik biznes subyektlari tadbirkorlik faoliyati rivojiga ko‘maklashishdan iborat. Aksiyaning yana bir muhim jihatlaridan biri shundaki, u nafaqat savdo hajmini oshirish, qolaversa, uzoq yillar davomida kompaniya xaridoriga aylangan iste’molchilarni kundalik yumushlarida asqotadigan kerakli maishiy texnika bilan mamnun qilishdan iborat.
Tadbir haqiqiy ma’nodagi yangi yil bayramiga aylanib ketdi. Ushbu kun nafaqat g‘oliblarni taqdirlash, balki yig‘ilganlarga bayram kayfiyatini ulashish bilan ham ahamiyatli bo‘ldi. Ayniqsa el ardog‘idagi san’atkorlar, O‘zbekiston xalq artisti Yulduz Usmonova va O‘zbekistonda xizmat ko‘rsatgan artist Ilhom Farmonovlarning tashrifi marosimga yanada ko‘tarinkilik olib kirdi va g‘oliblarga ikki karra quvonch ulashdi. Shuningdek, aksiya g‘oliblarini taqdirlashdan tashqari, kelgan mehmonlar uchun boshlovchilar Dilnoza Kubayeva va Nodirshoxlar tomonidan qiziqarli viktorinalar o‘tkazilib, ulargayam kompaniya tomonidan changyutgich va dazmol kabi qimmatbaxo buyumlar sovg‘a qilindi.
“Aksiya O”ga o‘xshash uzoq muddat davom etuvchi va katta sovrin jamg‘armasiga ega promoaksiya O‘zbekistonda ilk bor “Zelyoniy chay” kompaniyasi tomonidan o‘tkazilmoqda. Aksiya sovrin jamg‘armasining hajmi mingta avtomat kir yuvish mashinasi, 6 mingta dazmol, 2 mingta changyutgich va 3 millionta 250 grammli “Zelyoniy chay” kir yuvish kukunidan iborat bo‘lishi ko‘zda tutilgan. Bugunga qadar birgina Toshkent shahri va viloyati bo‘yicha jami 150 ta dan ortiq maishiy texnika vositalari va 8 mingta 250 grammlik kir yuvish kukuni g‘oliblari aniqlandi.
Kompaniya xodimining ta’kidlashicha, “Aksiya O”ni ro‘yobga chiqarish uchun kompaniya mutasaddilari ikki yil davomida kerakli mutaxassis va ma’lumotlarga asoslangan holda tayyorgarlik ko‘rishgan. Aksiya o‘zining samarali natijasini ko‘rsatishi va bu xalqni xursand qilishiga ishonch bildirmoqda. Aksiya tashkilotchilari tomonidan o‘tkaziladigan sovg‘a topshirishning keyingi bosqichlarida viloyat g‘oliblarini taqdirlash rejalashtirilgan. Bu jarayon barcha viloyatlarda, ya’ni har bir g‘olibning o‘zi yashaydigan hududga borib amalga oshiriladi.
Reklama huquqi asosida.
Izoh (0)