Ko‘pchilikda barcha daraxtlar olovda yonadi, suvda esa cho‘kmaydi degan tushuncha bor. AdMe ana shu tushunchalardan istisno bo‘lgan daraxtlar jamlanmasini taqdim etdi.
Olovda yonmaydigan daraxtlar
Daraxtlarning olovda yonmaydigan ko‘plab turlari bor. Bular — chirmoviq daraxti, rozmarin, Avstraliya evkalipti va Shimoliy Amerika sekvoyasi. Ularning olovga chidamliligi bir nechta qatlamdan iborat va issiqni kam o‘tkazuvchi qalin po‘stlog‘ining borligi bilan izohlanadi.
Suvda cho‘kuvchi daraxtlar
Daraxtlarning suvda cho‘kuvchi turlari mavjud. Masalan, Argentina va Paragvayda o‘suvchi qora daraxt dunyodagi eng og‘ir daraxt hisoblanadi. Rossiyaning Primorskiy o‘lkasida o‘suvchi Shmidt qayini cho‘yandan bir yarim marta mustahkamroq hisoblanadi. Agar unga miltiqdan o‘q otilsa, o‘q daraxt tanasida iz qoldirib, ortga qaytadi.
Non va pirog daraxtlari
Osiyoning tropik o‘rmonlarida non daraxti o‘sadi. Uning yumaloq mevalari tarkibida pishirish mumkin bo‘lgan bo‘laklari bor. Okeaniya orollarida esa “pirog” daraxti o‘sadi. Uning sariq mevalari ta’m va ko‘rinish jihatdan haqiqiy piroglarni eslatadi. Osiyoning janubi-sharqida esa konfet daraxtlarini uchratish mumkin.
Daraxt barglari quyosh nurlaridan himoyalanish uchun qizaradi
Aniqlanishicha, daraxtlar barglari rangining o‘zgarishi fotosintezning kuchayishi natijasida ko‘payadigan qand moddasi sababli yuz bermaydi. Barglar rangining o‘zgarishi ularning hayot davomiyligini uzaytiradi va quyosh nurlanishlaridan himoya qoplami sifatida xizmat qiladi.
Tayga va tundrada daraxtlar o‘sadi
Tayga va tundrada bo‘ladigan sovuqqa qaramasdan, u yerda daraxtlar o‘sadi. Taygada bo‘ladigan uzoq va iliq yozda daraxtlar qalin po‘stloqqa ega bo‘ladi. Tundrada esa yoz qisqa bo‘lgani uchun daraxtlar bunday himoya qatlamiga ega bo‘la olmaydi. Shuning uchun u yerda past bo‘yli o‘simlik dunyosi o‘sadi.
Ildizi yuqoriga o‘sadigan daraxtlar
Venesuela junglilarida ildizi tana bo‘ylab yuqoriga o‘sadigan daraxtlar bor. Bunga tuproqda ozuqaning juda kamligi sabab bo‘ladi. Shuning uchun ildizlar tana bo‘ylab yuqoriga ko‘tariladi va yomg‘ir suvlaridan o‘ziga kerakli minerallarni yig‘ib oladi.
Izoh (0)