Argentina hukumati bahsli Folklend orollarida harbiy mashg‘ulotlar o‘tkazilishi rejalashtirilayotgani munosabati bilan, Buenos-Ayresdagi Buyuk Britaniya elchixonasiga norozilik notasini topshirdi, deb yozadi “TASS” Janubiy Amerika respublikasining tashqi ishlar vazirligiga tayanib.
“Argentina ushbu harbiy o‘quv mashqlari BMT va boshqa xalqaro tashkilotlarning ikkala tomonni suverenitet haqidagi bahsga tinch yo‘l bilan yakuniy nuqta qo‘yish uchun muzokaralarni yangilashga, shuningdek, bahs predmeti bo‘lgan hududda va dengiz hududida bir tomonlama harakatlardan tiyilishga chaqiruvchi rezolyutsiyasini rad etayotgan Buyuk Britaniya tomonidan noqonuniy tarzda egallangan Argentina hududida o‘tkazilishiga ro‘yxushlik bermaydi”, — deyiladi xabarda.
Argentina TIV ma’lumotlariga ko‘ra, mashg‘ulotlar 30-oktabrdan 3-noyabrgacha o‘tkaziladi va “Rapier raketalari uchirilishini o‘z ichiga oladi”.
Izoh (0)