Yapon politsiyasi sakkiz yil davomida uy va do‘konlarni o‘margan o‘g‘ri qo‘lga olinganini ma’lum qildi. Bu yillar davomida u qora niqobi va epchilligi tufayli “Ninza Heyseya” laqabini olgan. Qo‘lga olingan “ninza” 74 yoshda. Bu haqda TJournal xabar berdi.
O‘g‘ri Osaka shahrida yashovchi Mintsuyaki Tanigava bo‘lib chiqdi. U elektron jihozlar do‘konini o‘marganlikda ayblanmoqda. Politsiya “ninza”ning 250 ta jinoyatga aloqadorligi ta’kidlamoqda, bu vaqtda u 260 ming dollardan ko‘proq mablag‘ni o‘g‘irlagan. Tergovchilarning so‘zlariga ko‘ra, tez orada unga qo‘shimcha ayblar e’lon qilinishi mumkin. Mintsuyaki allaqachon aybini tan olgan.
“Ninza” birinchi o‘g‘rilikni 2009-yilda boshlagan. U qora niqobli kiyim kiygan va uylarga, do‘konlarga kirgan. Politsiyaning ma’lum qilishicha, u katta kuch va epchillika ega ekanligini ko‘rsatgan: huquq-tartibot idoralaridan qochish vaqtida u devorlar bo‘ylab yugurgan. Shundan so‘ng u kiyimini almashtirib, olomon ichida g‘oyib bo‘lgan.
Politsiya Tanigavaning iziga 2017-yilning bahorida tushgan. O‘shanda ko‘chadagi kuzatuv kameralari “ninza”ni o‘g‘rilikdan so‘ng niqobsiz holatda suratga olgan. Qo‘lga tushganidan so‘ng, “Agar yosh bo‘lganimda, hech qachon tuta olishmagan bo‘lardi”, — deya ta’kidlagan “ninza”.
Izoh (0)