Kichkintoyni qanday qilib suhbatga tortish va uning nutqini rivojlantirish mumkin? Biz buning bir necha oddiy usullarini bilamiz va ularni sizning e’tiboringizga havola qilmoqchimiz.
Bola bilan kattalardek gaplashing
“Bi-bi”ning o‘rniga — “mashina”, “nyam-nyam”ning o‘rniga “yeyish, ovqatlanish” va hokazo. Shunda bola birdan to‘liq so‘zlarni ayta boshlaydi va keyin uni kattalar tilida gaplashishga qaytadan o‘rgatishga to‘g‘ri kelmaydi.
Gapirishni o‘rganishga kitoblar, qo‘shiqlar va she’rlarni jalb qiling
Bola yangi tug‘ilgandan buni boshlash mumkin. Go‘dakni kiyintirayotganingizda, cho‘miltirish yoki massaj qilish vaqtida bu harakatlaringizni albatta quvnoq hikoyalar yoki she’rlar bilan to‘ldiring.
Sal keyinroq, bola bir yoshga to‘lganda uning so‘z boyligi bir necha so‘zlardan iborat bo‘ladi. Shunda kitoblarni ham jalb qilish mumkin.
Bola uchun oddiy ertaklar tanlang. Sizning o‘qiganlaringizni eshitish mobaynida bola nutq tuzilishini qabul qila boshlaydi, yangi so‘zlarni va ayniqsa ularni talaffuz qilish qoidalarini o‘rganadi.
Go‘dak yura boshlagandan keyin, o‘stirishga bolalar qo‘shiqlarini ham qo‘shish mumkin. Ularni bolaga qo‘yib bering va u bilan birga raqsga tushing.
Bunday ovunchoqlar vestibulyar apparatning rivojlanishiga yordam berishdan tashqari bolaning nutqini ham kuchaytiradi.
Bolaning o‘yinchoqlari o‘rtasida ko‘rinishlar ijro eting
Ikki personaj qatnashadigan eng oson suhbatlar va ko‘rinishlardan boshlang.
Asta-sekinlik bilan personajlar sonini oshirib va mavzuni murakkablashtirib boring.
Shunday sodda o‘yinlar yordamida bola odamlar orasidagi suhbat qanday shakllanishini bilib oladi.
Manba: “Deti.mail.ru”
Izoh (0)