O‘zbekstonda 2016—2017-o‘quv yilida 466 mingdan ortiq o‘quvchilar umumta’lim maktablarini tamomlagan bo‘lib, shundan 170 mingdan ziyodi kasb-hunar kollejlariga o‘qishga kirgan. 288 ming nafari, ya’ni 60 foizidan ortig‘i 10 sinflarda o‘qishini davom etirmoqda. Bu haqda O‘zA xabar berdi.

O‘rta maxsus ta’lim tizimiga joriy yilda birinchi marta 10-sinflarga o‘quvchilar qabul qilish yo‘lga qo‘yildi. Bu akademik litsey va kasb-hunar kollejlariga qabul jarayoni bilan barobor olib borildi. Bunda asosan ota-onalar va o‘quvchilarning xohish va istaklari inobatga olindi.

So‘nggi bir yilda O‘zbekiston Prezidenti va Vazirlar Mahkamasining ta’lim sohasiga oid 70 ga yaqin qaror, farmon va farmoyishi qabul qilindi.

Sohada olib borilayotgan ishlar yuzasidan O‘zbekiston Prezidenti tomonidan o‘tkazilgan yig‘ilishda sohada amalga oshirilayotgan ishlarni yanada takomillashtirish bo‘yicha ota-onalar va o‘quvchilarning fiklarnini inobatga olish, ular bilan “ochiq eshiklar” kunlari kabi tadbirlar tashkil qilib, uchrashuvlar o‘tkazish kerakligini alohida ta’kidlangan.