Fotogalereya: Dengiz qirg‘oqlaridan topilgan eng g‘ayrioddiy buyumlar

AdMe shu kunga qadar dengizlar atrofidagi plyajlardan topilgan g‘ayrioddiy buyumlar haqida ma’lumot to‘plab taqdim etdi.

Lego o‘yinchog‘i

2007-yilda balandligi 2,5 metr keladigan Lego o‘yinchog‘i Niderlandiyaning Zandvorte qirg‘oqlariga tashlab ketilgan. U qayerdan paydo bo‘lgani noma’lum, Daniyaning Legoland bo‘limi ushbu o‘yinchoqqa hech qanday aloqasi yo‘qligini ma’lum qilgan.

Konteynerlar

2007-yilda Napoli yuk kemasining falokatidan so‘ng, konteynerlar ichida buyumlari bilan Angliyaning Devon grafligi qirg‘oqlariga  tashlab yuborilgan. Plyajga konteyner ichidagi narsalarni qo‘lga kiritish maqsadida ko‘plab odamlar kela boshlagan, kimdir vino to‘ldirilgan bochkalarni qo‘lga kiritgan bo‘lsa, yana kimgadir BMW mototsikli nasib qilgan.

Raketa qoldiqlari

2016-yili Yaponiyadagi plyajlardan birda raketa qoldiqlari topilgan. Taxminlarga ko‘ra, bu Shimoliy Koreya tomonidan o‘sha yilda uchirilgan raketaning burun qismi bo‘lishi mumkin.

Noma’lum jonzotning ko‘zi

Ushbu g‘ayrioddiy topilma 2012-yili Florida plyajlaridan birida aniqlangan. U qanday sirli dengiz jonzotiga tegishli eganligi noma’lum.

Boshqaruvchisiz nishon

2008-yilda Shotlandiya qirg‘oqlaridan biridan topilgan harbiy qurilma.

O‘yin kubigi

2017-yilning mart oyida Aydaxodagi shaharlardan birining plyajiga shu kabi metall o‘yin kubigi oqib kelgan.

Kosmik kema qoldiqlari

2015-yili Bagam orollaridagi plyajdan Ilon Maskning SpaceX kompaniyasiga tegishli kosmik kemaning qoldiqlari topilgan.

Kinder-syurprizlar

2017-yilning yanvarida Langeog oroli qirg‘oqlaridan bir necha ming kinder-syuprizlar va lego o‘yinchoqlari topilgan. Bunga sabab dengizda sodir bo‘lgan kuchli dovul ushbu mahsulotlar ortilgan konteynerlarni olib ketayotgan yuk kemasiga zarar yetkazgani.