Фотогалерея: Денгиз қирғоқларидан топилган энг ғайриоддий буюмлар

AdMe шу кунга қадар денгизлар атрофидаги пляжлардан топилган ғайриоддий буюмлар ҳақида маълумот тўплаб тақдим этди.

Lego ўйинчоғи

2007 йилда баландлиги 2,5 метр келадиган Lego ўйинчоғи Нидерландиянинг Зандворте қирғоқларига ташлаб кетилган. У қаердан пайдо бўлгани номаълум, Даниянинг Legoland бўлими ушбу ўйинчоққа ҳеч қандай алоқаси йўқлигини маълум қилган.

Контейнерлар

2007 йилда Наполи юк кемасининг фалокатидан сўнг, контейнерлар ичида буюмлари билан Англиянинг Девон графлиги қирғоқларига  ташлаб юборилган. Пляжга контейнер ичидаги нарсаларни қўлга киритиш мақсадида кўплаб одамлар кела бошлаган, кимдир вино тўлдирилган бочкаларни қўлга киритган бўлса, яна кимгадир BMW мотоцикли насиб қилган.

Ракета қолдиқлари

2016 йили Япониядаги пляжлардан бирда ракета қолдиқлари топилган. Тахминларга кўра, бу Шимолий Корея томонидан ўша йилда учирилган ракетанинг бурун қисми бўлиши мумкин.

Номаълум жонзотнинг кўзи

Ушбу ғайриоддий топилма 2012 йили Флорида пляжларидан бирида аниқланган. У қандай сирли денгиз жонзотига тегишли эганлиги номаълум.

Бошқарувчисиз нишон

2008 йилда Шотландия қирғоқларидан биридан топилган ҳарбий қурилма.

Ўйин кубиги

2017 йилнинг март ойида Айдаходаги шаҳарлардан бирининг пляжига шу каби металл ўйин кубиги оқиб келган.

Космик кема қолдиқлари

2015 йили Багам оролларидаги пляждан Илон Маскнинг SpaceX компаниясига тегишли космик кеманинг қолдиқлари топилган.

Киндер-сюрпризлар

2017 йилнинг январида Лангеог ороли қирғоқларидан бир неча минг киндер-сюпризлар ва лего ўйинчоқлари топилган. Бунга сабаб денгизда содир бўлган кучли довул ушбу маҳсулотлар ортилган контейнерларни олиб кетаётган юк кемасига зарар етказгани.