6 arab mamlakati Qatardan JCh—2022 ni olishni so‘radi. Iddao — “Qatar terrorchilar bazasi”

Olti arab mamlakati FIFAga maktub yo‘llab, 2022-yilgi Jahon chempionatini Qatardan olib qo‘yishni so‘radi. Bu haqda “Championat.asia” The Local nashriga asoslanib ma’lumot berdi.

Maktub yozilishida Saudiya Arabistoni, Yaman, Mavritaniya, BAA, Bahrayn va Misr yakdillik ko‘rsatgan. Ular Qatar mundialni munosib ravishda o‘tkaza olmasligiga ishonch bildirgan. Iddao qilinishicha, qatarliklar JChni tomosha qilish uchun tashrif buyuradigan muxlislar xavfsizligini yetarli darajada qo‘riqlay olmaydi. Chunki “Qatar terrorchilar bazasi”, deb yoziladi maktubda.

Agar FIFA bu so‘rovni qanoatlantirmasa, xat yozgan olti mamlakat JCh—2022 uchun boykot e’lon qiladi.