Samvel Babayan rejasini o‘zgartirdi. O‘zbekiston milliy termasi Avstriyaga emas, Turkiyaga boradi

O‘zbekiston milliy terma jamoasi iyul oyida xorijiy yig‘in tashkil qilishi, yig‘inga Avstriya mezbonlik qilishi aytilgandi.

“Championat.asia” nashrining ma’lumot berishicha, reja o‘zagrtirilgan. Endi futbolchilar Avstriya emas, balki Turkiyaga safar etadi.

Bunda jarohatlangan va o‘z klubiga kerakli bo‘lgan legioner futbolchilar yig‘inga jalb qilinmaydi. Turkiyaga asosan Oliy ligada to‘p surayotgan futbolchilar yo‘l oladi.

O‘zbekiston milliy terma jamoasi 31-avgust kuni Xitoyga, 5-sentabrda esa Janubiy Koreyaga qarshi JCh—2018 saralash o‘yinlarida maydonga tushadi. Turkiyadagi yig‘inda ishtirok etadigan futbolchilarning necha foizi mazkur o‘yinlarda maydonga tushishi mumkinligi borasida aniq ma’lumotlar yo‘q.