Dubayda taksi haydovchilari kamar taqmagan mijozlarga xizmat ko‘rsatishdan bosh tortishi mumkin

Dubaydagi taksi mijozlariga endi harakatlanish chog‘ida xavfsizlik kamari taqishga to‘g‘ri keladi. Bu haqda UAE Inside xabar bermoqda.

Joriy yil 1-iyulidan kuchga kirgan yangi qoida ko‘plab taksi haydovchilari xavotiriga sabab bo‘ldi: mijozlar kamar taqishdan bosh tortganda ham jarimaga tortiladilarmi?

Dubay politsiyasi bosh qo‘mondoni yordamchisi Muhammad Saif al-Zafaynga ko‘ra, mijoz taksi haydovchining xavfsizlik kamarini taqish haqidagi iltimosini rad etsa, u yo‘lovchiga xizmat ko‘rsatishdan bosh tortishi mumkin.

Aks holda haydovchi 400 dirham (108 dollar atrofida) jarimaga tortiladi.