TIVda Gruziya elchisi bilan hamkorlikni rivojlantirish bo‘yicha qo‘shma tadbirlar rejasi loyihasi muhokama qilindi

4-iyul kuni O‘zbekiston Respublikasi Tashqi ishlar vazirligida Gruziyaning favqulodda va muxtor elchisi Konstantin Jgenti bilan uchrashuv bo‘lib o‘tdi. Bu haqda vazirlik matbuot xizmati xabar berdi.

Muloqot chog‘ida turli sohalarda O‘zbekiston—Gruziya muloqotini yanada mustahkamlash istiqbollari, jumladan hamkorlikni rivojlantirish bo‘yicha qo‘shma tadbirlar rejasi (“Yo‘l xaritasi”) loyihasi yuzasidan fikr almashildi.

Uchrashuvda vazirliklararo siyosiy maslahatlashuvlar va Iqtisodiy hamkorlik bo‘yicha hukumatlararo komissiyaning navbatdagi majlisini o‘tkazish muddatlari hamda turli darajalardagi boshqa tashriflar rejasi muhokama qilindi.