Rossiyalik tadbirkor, asli o‘zbekistonlik Alisher Usmonov eng yaxshi startap uchun yangi tanlov e’lon qildi. Bu haqda UzNews xabar bermoqda.

Bu haqda milliarder “VKontakte”dagi sahifasi orqali ma’lum qildi.

U avvalo muxolif siyosatchi Aleksey Navalniy bilan bahsi borasidagi hazillar yuzasidan o‘tkazilgan tanlovning yopilganini e’lon qildi.

“O‘ylashimcha, juda yaxshi ko‘ngil yozdik”, — deb xulosa yasadi o‘z tashabbusiga milliarder.

Endilikda u “VKontakte”dagi sahifasini yangi tashabbuslar uchun maydon sifatida ishlatishga qaror qildi. Jumladan, mazkur ish doirasida birinchi galda startaplar tanlovi o‘tkaziladi.

Ushbu tanlovda g‘olib bo‘lgan 1 million rubl mukofot oladi. Yil yakunlariga ko‘ra eng yaxshi loyiha jamoasi investitsiyalar masalasini muhokama qilish uchun taklif etiladi.