Алишер Усмонов ташкил қилган янги танлов ғолиблари 1 млн рубль мукофот олади

Россиялик тадбиркор, асли ўзбекистонлик Алишер Усмонов энг яхши стартап учун янги танлов эълон қилди. Бу ҳақда UzNews хабар бермоқда.

Бу ҳақда миллиардер «ВКонтакте»даги саҳифаси орқали маълум қилди.

У аввало мухолиф сиёсатчи Алексей Навальний билан баҳси борасидаги ҳазиллар юзасидан ўтказилган танловнинг ёпилганини эълон қилди.

«Ўйлашимча, жуда яхши кўнгил ёздик», — деб хулоса ясади ўз ташаббусига миллиардер.

Эндиликда у «ВКонтакте»даги саҳифасини янги ташаббуслар учун майдон сифатида ишлатишга қарор қилди. Жумладан, мазкур иш доирасида биринчи галда стартаплар танлови ўтказилади.

Ушбу танловда ғолиб бўлган 1 миллион рубль мукофот олади. Йил якунларига кўра энг яхши лойиҳа жамоаси инвестициялар масаласини муҳокама қилиш учун таклиф этилади.