“O‘rgimchak odam: Uyga qaytish” filmining oxirgi treylerida superqahramon komiks muallifi bilan uchrashdi

Sony Pictures Entertainment kompaniyasi “O‘rgimchak odam: Uyga qaytish” filmining oxirgi treylerini e’lon qildi. Bu haqda Meduza xabar bermoqda.

Videoda kameoda O‘rgimchak odam haqidagi komikslar muallifi — Sten Li paydo bo‘ldi.

Film bosh qahramoni Piter Parker — yuqori sinf o‘quvchisi bo‘lib, u radioaktiv o‘rgimchak tomonidan tishlanganidan so‘ng g‘aroyib xususiyatlarga ega bo‘ladi. Temir odam sifatida mashhur milliarder Toni Stark bilan birga Parker O‘laksaxo‘r nomli dushmanga qarshi kurashadi. Film voqealari “Birinchi qasoskor: Fuqarolik urushi” kartinasida ko‘rsatilgan voqealardan so‘ng ro‘y beradi.

Bosh rollarni Tom Xolland, Kichik Robert Dauni, Maykl Kiton va Zendeya Koulman ijro etdi. Rejissor — Jon Uotts.