«Ўргимчак одам: Уйга қайтиш» фильмининг охирги трейлерида суперқаҳрамон комикс муаллифи билан учрашди

Sony Pictures Entertainment компанияси «Ўргимчак одам: Уйга қайтиш» фильмининг охирги трейлерини эълон қилди. Бу ҳақда Meduza хабар бермоқда.

Видеода камеода Ўргимчак одам ҳақидаги комикслар муаллифи — Стэн Ли пайдо бўлди.

Фильм бош қаҳрамони Питер Паркер — юқори синф ўқувчиси бўлиб, у радиоактив ўргимчак томонидан тишланганидан сўнг ғаройиб хусусиятларга эга бўлади. Темир одам сифатида машҳур миллиардер Тони Старк билан бирга Паркер Ўлаксахўр номли душманга қарши курашади. Фильм воқеалари «Биринчи қасоскор: Фуқаролик уруши» картинасида кўрсатилган воқеалардан сўнг рўй беради.

Бош ролларни Том Холланд, Кичик Роберт Дауни, Майкл Китон ва Зендея Коулман ижро этди. Режиссёр — Жон Уоттс.