Bugun,

  • USD 10940.05
  • RUB 182.26
  • EUR 11121.65

Buxoro viloyati bojxona boshqarmasi xodimlari tovar-moddiy boyliklarini O‘zbekiston hududiga noqonuniy ravishda import qilishga uringan bir nechata holatlarni aniqladi, deb xabar berdi O‘zbekiston Respublikasi Davlat bojxona qo‘mitasining matbuot xizmati.

Jumladan, Buxoro viloyatdagi “Olot” chegara bojxona kompleksi xodimlari xorijiy fuqaro K. Taxsin boshqaruvida Turkiyadan O‘zbekistonga kirib kelgan yuk avtotransport vositasini o‘rnatilgan tartibda mobil inspeksion-tekshiruv apparati ko‘magida bojxona nazoratidan o‘tkazilganida navbatdagi bojxona qoidabuzarligi aniqlangan.

Foto: Buxoro viloyati bojxona boshqarmasi matbuot xizmati

Foto: Buxoro viloyati bojxona boshqarmasi matbuot xizmati

Yo‘l-yuk kuzatuv hujjatlariga ko‘ra, Toshkent shahridagi Adamant Mega Trade firmasi nomiga keltirilayotgan ushbu konteynerda aslida qiymati salkam 6,5 ming AQSh dollarini tashkil qiluvchi 16 tonnadan ortiq og‘irlikdagi to‘qimachilik mahsulotlari va bolalar kiyim-kechaklari bo‘lishi lozim bo‘lgan, ammo bojxona ko‘rigi davomida konteynerdagi tovarlar bilan yo‘l-yuk kuzatuv hujjatlaridagi ma’lumotlar o‘rtasida keskin tafovut mavjudiligi, mazkur tovarlar hujjatlardagidan ko‘ra haddan tashqari ortiqcha miqdorda ekanligi ma’lum bo‘lgan.

Hisob-kitoblarga ko‘ra yo‘l-yuk kuzatuv hujjatlaridan qayd etilmagan tovarlarning umumiy miqdori 868,465 million so‘mni tashkil qildi. Shu tariqa, qonunbuzarlar davlat budjetiga undirilishi lozim bo‘lgan 105 million so‘mdan ortiq bojxona to‘lovlaridan qochishga urinishgan.

Foto: Buxoro viloyati bojxona boshqarmasi matbuot xizmati

Foto: Buxoro viloyati bojxona boshqarmasi matbuot xizmati

Buxoro viloyati bojxona boshqarmasining “Xo‘jadavlat” temir yo‘l chegara bojxona postida ham shu turdagi yana bir bojxona qoidabuzarligi fosh qilindi.

Mazkur postda O‘zbekiston hududiga kirib kelgan yuk poyezdi belgilangan tartibda bojxona ko‘rigidan o‘tkazilganda, vagonlardan biriga ortilgan mineral suvlar bojxonachilarning diqqatini tortdi.

Foto: Buxoro viloyati bojxona boshqarmasi matbuot xizmati

Foto: Buxoro viloyati bojxona boshqarmasi matbuot xizmati

Gruziyadan Toshkentdagi Best Energy Business MChJ nomigan yuborilgan mazkur yuklarga tegishli hujjatlarga ko‘ra, ushbu vagondagi 63 tonnadan ortiq mineral suvlar yarim litrlik idishlarga qadoqlangan bo‘lishi lozim edi. Ammo, konteynerdagi qiymati salkam 741 million so‘mlik ichimliklar esa butunlay boshqa sig‘imdagi idishlarga qadoqlangan ekan.

Shu tariqa qonunbuzarlar bu usullari bilan davlat budjetiga undirilishi lozim bo‘lgan 63 million so‘mdan ortiq bojxona to‘lovlaridan bo‘yin tovlagan.

Izoh
Asosiy yangiliklar
Mahalliy
Nukusda bir-biri bilan mushtlashgan maktab o‘quvchilarining ota-onasi jarimaga tortildi
Mahalliy
AQSH elchixonasi O‘zbekiston armiyasi shifokoriga minnatdorchilik bildirdi
Dunyo
Xitoy olimlari dunyoda birinchi bo‘lib Arktika bo‘risini klonlashtirdi (video)