11-yoshli amerikalik bola Ruben Pol Niderlandiyada o‘tgan One Conference 2017 dagi chiqishida smartfon va Bluetooth yordamida har qanday buyumni qurolga aylantirish mumkinligini ta’kidlab o‘tdi. Bu haqda TJournal xabar bermoqda.
Oltinchi sinf o‘quvchisining tushuntirishicha, terminatordan tortib baxmal ayiqchagacha bo‘lgan har qanday qo‘g‘irchoq xavfli qurolga aylanishi mumkinligini tushuntirdi. Buning uchun u o‘zining ayiqchasini namoyish qildi: ushbu o‘yinchoq Wi-Fi va Bluetooth yordamida iCloud’ga ulana oladi, shuningdek, xabarlarni o‘qib beradi va ovozli buyruqlarni tushunadi.
Noutbukka ulangan Raspberry Pi bir platali kompyuteri yordamida Ruben Pol zaldagi Bluetooth’i yoqilgan smartfonlarni skanerdan o‘tkazib chiqdi. O‘spirin o‘tirganlardan bir necha kishining telefon raqamlarini olishga erishdi. Ular orasida oliy martabali amaldorlar ham bor edi.
Shundan so‘ng Pol Python tilidagi dasturdan foydalanib smartfonlardan biriga ulandi. Uskuna yordamida u konferensiyani “eshitdi”, qisqa ovozli xabar yozib, ayiqchasiga yo‘lladi. Shuningdek, o‘spirin o‘yinchoqdagi chiroqni masofadan turib yoqdi.
Polning so‘zlariga qaraganda, internetga ulanadigan har qanday uskuna Bluetooth orqali ishlashi mumkin. Shuningdek, aytilishicha, shaxsiy ma’lumotlarni GPS yordamida o‘g‘irlash va odamning ortidan kuzatish mumkin.
Bolaning otasi — axborot texnologiyalari bo‘yicha mutaxassis Ruben olti yoshidan o‘z qobiliyatlarini namoyish eta boshlaganini hikoya qildi. Mano Polning so‘zlariga qaraganda, o‘g‘li smartfon yordamida boshqa gadjetni ilk bor kirganida u hayratda qolgan.
Bundan tashqari, 11 yoshli Pol zamonaviy uskunalarning xavfsizligini ta’minlash bo‘yicha ma’ruzalar berib turadi.
Izoh (0)