Murad Buildings’dan navbatdagi tuhfa: mayning serquyosh yakshanbasida ping pong va Green City sayli

Sayilga chiqish, bayram kayfiyatida bo‘lish va odamlarning bir kunini mazmunli o‘tkazish uchun uydan tashqarida bo‘lish shartmi? Yo‘q, deb javob bergandek taassurot qoldirdi Murad Buildings. Xo‘sh, qanday qilib?

Chilonzor tumanida barpo etilgan Green City uy-joy majmuasi 14-may, yakshanba kuni o‘z bag‘rida Toshkent shahrida istiqomat qilayotgan va shahrimizda mehmon bo‘layotgan kishilarni jam etdi. Siz bunda Murad Buildings bunyod qilgan go‘zallikdan bahramand bo‘libgina qolmay, balki ping pongda o‘z omadingizni sinab ko‘rishingiz ham mumkin edi.

Adashmadingiz, bu bizda stol tennisi nomi bilan tanilgan o‘sha mashhur sport turi. Deyarli har birimiz bir marta bo‘lsa-da, kichik raketkada sharchaga zarba berib ko‘rganmiz. Murad Buildings mana shunday muvaffaqiyatli zarbalar evaziga qimmatbaho sovg‘alarni va’da qildi. Eng asosiysi, barchadan ustun kelgan omadli chempion zamonaviy bolalar maydonchasining egasi bo‘lish imkoniyatini taqdim etdi.

Green City’ning hovlisida shu kuni 20 ta tennis stoli o‘rnatildi. Ularning teng yarmi tashrif buyuruvchilar ko‘nglini olish uchun xizmat qildi. Qolgan yarmida esa Murad Buildings musobaqasida ishtirok etish istagani bildirgan 256 havaskor chempionlik uchun kurash olib bordi.

Nega aynan stol tennisini tanlab oldik? Chunki uni istalgan odam o‘ynashi mumkin. Maqsadimiz ham atrofimizga professional sportchilarni emas, aynan havaskor ishtirokchilarni yig‘ish edi va biz bunga muvaffaq bo‘ldik. Kelgusida shaxmat bo‘yicha ham turnir tashkil qilish rejamizda bor. Unda ham har qanday qiziquvchi bemalol ishtirok etishi uchun sharoit yaratib berishni niyat qilganmiz.

Murod Nazarov, Murad Buildings asoschisi va rahbari

Murad Buildings vakillari federatsiyaga kelib, stol tennisi bo‘yicha turnir o‘tkazish taklifini berishdi va biz ham bu ishga bajon-u dil rozi bo‘ldik. Chunki odatda ommaviy sport musobaqalarini o‘tkazish uchun katta mablag‘ kerak deb aytishadi. Aslida esa gap faqatgina pulda emas, shunchaki uni qanday tashkil qilishni bilish kerak. Biz ko‘ryapmizki, Murad Buildings vakillari shunday darajaga chiqib ulgurgan. Chunki bugun odamlar faqatgina stol tennisi o‘ynash bilan cheklanmadi, bugun ular uchun haqiqiy bayram uyushtirildi.

Saida Mahmudova, stol tennis bo‘yicha O‘zbekiston termasi katta murabbiyi

256 havaskor orasidan to‘rt nafar omadlilar yarim finalga qadar yetib keldi: Azizbek Mamasodiqov, Zarif Begulov, Umar Abdullayev va Nikolay Kudryavsev. Ularning har biri Samsung Galaxy A5 smartfoniga ega chiqdi. Asosiy sovrin hali oldinda bo‘lib, buning uchun musobaqada g‘olib chiqish talab etilardi.

Hal qiluvchi o‘yinda 25 yoshli Azizbek Mamasodiqov 62 yoshni qarshi olgan va shu kuni ko‘pchilikning olqishiga sazovor bo‘lgan Nikolay Kudryavsev ishtirok etdi. Sirg‘ali dahasida yashovchi nuroniy turnirda g‘olib chiqsa, Murad Buildings sovg‘a qiladigan zamonaviy bolalar maydonchasini nabiralariga sovg‘a qilishni niyat qilgandi. Ammo hal qiluvchi o‘yinda omad TTZ 4 dahasidan tashrif buyurgan Azizbek Mamasodiqovga kulib boqdi. Nikolay Kudryavsev esa 256 nafar ishtirokchi orasidan finalga yetib kelgani Green City mehmonlarining olqishiga sazovor bo‘ldi. G‘olib istagiga binoan, endi Murad Buildings Green City’dagisi kabi zamonaviy bolalar maydonchasini uning mahallasida qurib beradi.

KDB bankida faoliyat olib boraman. Hamkasbim Murad Buildings stol tennisi bo‘yicha musobaqa o‘tkazilayotgani haqida aytib qoldi. Facebook orqali unda ishtirok etish shartlaridan voqif bo‘ldim. Shunchaki qiziqish sabab, mahalladagi do‘stlarim bilan stol tennisi o‘ynab turardik.

To‘g‘risini aytsam, g‘olib chiqish xayolimga ham kelmagandi. Endi esa o‘zim istiqomat qiladigan TTZ 4 dahasida bolalar uchun maydoncha qurib berishlariga sababchi bo‘lib turganimdan baxtiyorman. Bu xuddi tushga o‘xshaydi.

Azizbek Mamasodiqov, Murad Buildings turniri g‘olibi

Zamonaviy musiqa, odamlarning bir-biriga bo‘lgan do‘stona va samimiy munosabati, bolalar yuzidagi baxt, tashrif buyuruvchilar uchun taqdim etilgan salqin ichimliklar hamda desertlar mayning serquyosh yakshanbasida Green City mehmonlariga hamrohlik qildi.

Biz baxt ulashamiz, baxt makoni quramiz. Odamlarlarga quvonch va shodlik ulashishi mumkin bo‘lgan bayramlarni, loyihalarni qo‘llab-quvvatlaymiz. Hozir ko‘ryapmizki, mehmonlar yuzida tabassum, dillarida xotirjamlik va ko‘zlarida baxt namoyon. Murad Buildings istaydigan narsa ham aslida mana shu.

Murod Nazarov, Murad Buildings asoschisi va rahbari

Murad Buildings faqatgina Toshkent shahri bilan cheklanib qolmoqchi emas. O‘z ishiga professional yondoshuvi va barpo etgan go‘zal bog‘lari bilan shaharliklar ko‘nglini ola bilgan kompaniya, tez orada qamrovini kengaytiradi va shahar tashqarisida ham uylar bunyod etadi.

Biz shu vaqtgacha o‘sdik, o‘rgandik. Green City majmuasi 1 gektar yerda bunyod etilgan. Negaki, uning atrofida istirohat bog‘lari, stadionlar, supermarketdan tortib, klinikalarga qadar yetarli.

Kelasi yildan esa biz shahar tashqarisida mikrorayonlar qurishga harakat qilamiz. Bunda yer maydoni 15, balki 20 gektarni tashkil qilishi mumkin. Uning ichida Murad Buildings uylaridan tashqari, poliklinika, klinika, basseyn, sport maydonlari, fitness klublar, supermarket va odamlar uchun kerakli bo‘lgan boshqa qulayliklar yaratiladi.

Nega aynan shunday? Chunki biz odamlar shaharga o‘z shaxsiy yumushlari, zarur ishlari uchungina tashrif buyurishlarini ta’minlab, qolgan qulayliklarning barchasini o‘z majmualaridan topa olishlariga imkoniyat yaratishni istaymiz.

Murod Nazarov, Murad Buildings asoschisi va rahbari

Murad Buildings’ni ijtimoiy tarmoqlar orqali kuzatib boring va u tashkil qiladigan sayillardan chetda qolmang!

Reklama huquqlari asosida!