Polshada NATO batalyoni ishtirokidagi harbiy mashg‘ulotlar boshlandi

Polshaning Ojish shahrida 15-may, dushanba kuni boshlangan Puma mashg‘ulotlarida 2,5 mingga yaqin harbiy xizmatchi, jumladan, mamlakatda joylashtirilgan NATO ko‘p millatli batalyoni vakillari ishtirok etmoqda. Bu haqda “TASS” xabar berdi. 

Harbiy xizmatchilar mudofaa va hujumdagi harakatlarni mashq qiladi. 26-mayga qadar davom etadigan mashg‘ulotlar ssenariysi “gibrid urushi” sharoitidagi harakatlarni taqozo etadi. 

Ojish poligonidagi mashg‘ulotlarga og‘ir qurol-aslaha — tanklar, zirhli mashinalar, artilleriya va havo hujumidan mudofaa tizimlari ham safarbar etilgan.