Abu-Dabi valiahd shahzodasi, BAA Qurolli kuchlari bosh qo‘mondoni o‘rinbosari Muhammad ibn Zaid al-Nahayon kuni kecha Yamandagi harbiy operatsiya davomida halok bo‘lgan harbiy xizmatchilarning oilalari bilan uchrashdi. Bu haqda UAE Inside nashri xabar bermoqda.
Uchrashuvda halok bo‘lgan harbiy xizmatchilar — Hasan Abdulla al-Bishir va Abdulla Muhammad Eys al-Hamadiyning qarindoshlari ishtirok etdi. Valiahd shahzoda Saudiya Arabistoni boshchiligidagi koalitsiya tarkibida kurashish davomida halok bo‘lgan zobitlar oilalariga chuqur hamdardlik bildirdi.
Yamanda bir necha yillardan buyon hukumat kuchlari va “Ansorulloh” shia harakati isyonchilari o‘rtasida fuqarolik urushi davom etmoqda.
Izoh (0)